Frå sumaren 2014 til desember 2015 hadde eg gleda av å arbeide saman med fagmiljøet i Avdeling for barn og unges psykiske helse (ABUP) ved Sørlandet Sykehus i eit prosjekt for å styrke avdelinga sitt samfunnsretta arbeid.

Ved sida av ABUP sitt individretta arbeid med å diagnostisere, behandle og rehabilitere tilviste pasientar, har avdelinga og viktige samfunnsretta oppdrag som forebygging, formidling av kunnskap, nettverks- og holdningsarbeid.

Mykje tyder på at det samfunnsretta arbeidet vert viktigare i åra framover. Psykisk uhelse er ein av de største utfordringane for born og unge sine levekår, og den hyppigaste årsaka til at unge droppar ut av skule og arbeid. 

Nokre utfordringar har nærast karakter av epidemi – det gjelder særleg angstproblem. Det er naudsynt å supplere tradisjonell ein-til-ein-terapi med nye arbeidsmåtar som mobiliserer ressursar i nettverket rundt einskildklientar, både i forebygging, sjølvhjelp, meistring og i behandlingsmetodane. Dei nye arbeidsmåtane må utviklast slik at dei reduserer behovet for tilvisingar til spesialistbehandling.

ABUP er i full gang med å prøve ut primær- og sekundærforebyggande arbeidsmetodar kombinert med forskning innen friluftsterapi, i samband med sceneprosjektet Fargespill og i kultur/helseprosjektet KickOff som ABUP driv saman med Raudekrossen.